"Барселона"нинг ёш ҳимоячиси Жерар Мартин Испания ва Словакия (3:2) терма жамоалари ўртасидаги ёшлар ўртасидаги Евро ўйинида олган жароҳатидан сўнг қўлидан операция қилинди.
23 ёшли футболчига ўнг қўлининг бешинчи кафт суяги асоси чиқиши ташхиси қўйилган. Каталонияликлар расмий сайти хабарига кўра, операция муваффақиятли ўтган ва футболчи мавсумолди тайёргарлик бошланишидан олдин машғулотларга қайтиши керак.
Мартин учун якунланган мавсум яхши ўтди: у асосий жамоада 42 та ўйин ўтказди, гол урди ва шерикларига олтита голли узатмани амалга оширди.
