"Лион" вакили Малик Фофанга "Ливерпуль" ва "Манчестер Юнайтед" клублари қизиқиш билдирмоқда.
Аввалроқ, "Челси" 20 ёшли футболчининг эҳтимолий трансфери бўйича Франция клубига мурожаат қилгани, аммо ҳали расмий таклиф билан чиқмагани ҳақида хабарлар тарқалган эди.
L'Equipe хабарига кўра, вингерга "Манчестер Юнайтед", "Ноттингем Форест" ва "Ливерпуль" клублари ҳам қизиқиш билдирмоқда. "Ўрмончилар" Фофананинг агентлари билан музокараларни бошлади.
Қайд этилишича, "Лион" Бельгия терма жамоаси футболчиси учун камида 50 млн евро олмоқчи.
Фофана Лига 1нинг ўтган мавсумида 29 ўйинда 5та гол ва 4та ассистни ўз ҳисобига ёздириб қўйди.
