Марказий ярим ҳимоячи Поль Погба тезроқ Франция терма жамоасига қайтишни истамоқда.
Манбага кўра, 32 ёшли футболчи мураббий Дидье Дешам билан доим яхши муносабатда бўлган. Поль 2026 йилда АҚШ, Канада ва Мексикада бўлиб ўтадиган жаҳон чемпионатига тайёргарликка алоҳида эътибор қаратмоқда.
Ўтган йилнинг декабрь ойидан бери Погба клубсиз. У антидопинг қоидаларини бузгани учун дисквалификацияни ўтаб бўлди ва ҳозирда эркин агент. У сўнгги бор 2023 йилнинг 3 сентябрида майдонга тушганди.
Аввалроқ, "Монако" Погбага икки йиллик шартнома таклиф қилгани ҳақида хабарлар тарқалган эди.
Унинг ҳисобида Франция терма жамоаси сафида 91 та ўйин, 11 та гол ва 9 та голли узатма бор.













