"Манчестер Сити" бош мураббийи Пеп Гвардиола Жек Грилишнинг жамоани тарк этиши мумкинлиги ҳақида гапирди.
"Шаҳарликлар" англиялик футболчини клублар ўртасидаги жаҳон чемпионатида қатнашадиган таркибга киритмади. Турли манбаларга кўра, "шаҳарликлар" раҳбарияти футболчини сотиш устида ишламоқда.
"Грилиш кетадими? Билмадим. Кетиш ҳақида бошқа клуб у билан шартнома имзолаганида гаплашишимиз мумкин. Биз уни жаҳон чемпионатига олиб бормасликка қарор қилдик, аммо кейин нима бўлишини билмайман. Якунда у янги клуб топмаса, у "Манчестер Сити" футболчиси бўлиб қолади ва таркибга қайтади", - деди Гвардиола City Xtra билан суҳбатда.
Жек Грилишга қизиқиш "Тоттенхем" ва "Наполи" клублари билан боғлиқ эди.
