"Флуминенсе"нинг энг тажрибали ҳимоячиси Тьяго Силва клублар ўртасидаги жаҳон чемпионатининг дастлабки турида Дортмунднинг "Боруссия" клуби билан дуранг (0:0) ҳақида фикр билдирди.
"Менинг ўйинимга келсак, менимча, уддаладим. Аммо асосийси, жамоа муносиб кўринди. "Боруссия" - жуда кучли рақиб. Уларнинг беш ҳимоячидан иборат чизиғи деярли бўш жой бермайди, бундай ҳимояни ёриб ўтиш қийин. Зўриқишга бардош бера олганимиздан хурсандман. Энди кейинги ўйингача тикланиш ва тетик бўлиш муҳим," - дея фахрийнинг сўзларини келтиради ФИФА матбуот хизмати.
