"Барселона" дарвозабони Марк-Андре тер Штеген клубни тарк этмоқчи эмас. Бу ҳақда Mundo Deportivo нашри хабар бермоқда.
Манбага кўра, 33 ёшли посбон жамоа бош мураббийи Ханс-Дитер Флик унга чиқиш эшикларини кўрсатмаслигига ишончи комил. Қолаверса, тер Штеген якунда яна "Барселона"нинг биринчи дарвозабонига айланишига ишонмоқда.
Эслатиб ўтамиз, тер Штеген мавсумнинг катта қисмини жароҳати сабаб ўтказиб юборди. Унинг ҳисобида жами тўққизта ўйин ва фақат битта "қуруқ" ўйин бор.
Футболчининг "Барселона" билан меҳнат шартномаси 2028 йилгача мўлжалланган.













