"Барселона" марказий ҳимоячиси Андреас Кристенсен ёзги трансфер ойнасида сотиб юборилиши эҳтимоли юқори.
Ўтган мавсум даниялик учун доимий жароҳатлар туфайли омадсиз кечди. AS нашри маълумотига кўра, "кўк-анорранглилар" раҳбарияти Кристенсенни сотишга моил, Рональд Араухо эса клубда қолиши мумкин.
Андреас Кристенсеннинг тез-тез соғлиғи билан боғлиқ муаммолар туфайли унга янги клуб топиш осон бўлмаслиги мумкин. Transfermarkt портали экспертлари 29 ёшли футболчининг нархини 12 млн еврога баҳоламоқда. Ўтган мавсумда футболчи атиги олти марта майдонга тушди.













