"Вулверхэмптон" "Сельта"нинг 21 ёшли вингери Фер Лопес трансфери бўйича келишувни якунламоқда.
Нуфузли инсайдер Фабрицио Романонинг ёзишича, клублар келишувга эришган ва инглизлар ёш испаниялик учун эҳтимолий бонусларни ҳисобга олган ҳолда 25 миллион евро тўлайди.
Музокараларнинг асосий нуқтаси "бўрилар"нинг Лопес шартномасида белгиланган товон пулини (20 млн евро) ошириб, мослашувчан тўлов схемаси бўйича келишиб олиш истаги бўлди.
Манбага кўра, футболчининг тиббий кўрикдан ўтиши 18 июнь, чоршанба кунига белгиланган.
Ўтган мавсумда Лопес "Сельта" сафида Ла Лига ва Испания Кубогида 20 та ўйинда майдонга тушиб, 4 та гол урган.
