Ярим ҳимоячи Хакан Чалханўғли клубини ўзгартиришга яқин турибди. Sabah нашри тарқатган хабарга кўра 31 ёшли футболчи "Галатасарой" билан принципиал келишувга эришган.
Энди Истанбул клуби Чалхонўғлининг трансфер суммасини "Интер" билан келишиб олиши муҳим. "Шерлар" 15-20 миллион евро эвазига келишувни ёпмоқчи. "Галатасарой"нинг бундай позицияси муаммо бўлиши мумкин, чунки "Интер" Хакан учун камида 40 миллион олмоқчи.
Эслатиб ўтамиз, амалдаги шартнома Чалхонўғлини "Интер" билан яна икки мавсум - 2027 йилнинг ярмигача боғлаб туради. У Туркия терма жамоаси аъзоси, аммо у ҳали турк клубларида ўйнамаган.
