Дарвозабон Жоан Гарсия "Барселона" футболчиси бўлишга яқин турибди. "Эспаньол" ўзининг расмий сайтида 24 ёшли Гарсия жамоани тарк этганини эълон қилди. Дарвозабон клубга шартномаси бўйича товон пули тўлади - 25 миллион евро + фоиз.
"Эспаньол"нинг асосий жамоаси сафида Жоан Гарсия 67 та расмий ўйин ўтказиб, 72 та гол ўтказиб юборган. Жамоа Испания Ла Лигасининг ўтган мавсумини турнир жадвалида 14-ўринда якунлади.
Тез орада "Барселона"дан Жоан Гарсия трансфер қилингани ҳақида расман эълон қилиниши кутилмоқда. Янгиликларни кузатиб борамиз. Каталония жамоаси ҳозир таътилда - клублар ўртасидаги жаҳон чемпионатида иштирок этмаяпти.
