"Парма" ҳужумчиси Анж-Йоан Бонни Миланнинг "Интер" клуби сафини тўлдирадиган кўринади.
21 ёшли футболчи Кристиан Кивунинг жамоасига ўтиш арафасида турибди, дея хабар беради инсайдер Николо Скира янгиланган ҳисоботида. Клублар ҳали битимнинг бир нечта кичик деталларини ҳал қилишлари керак, аммо "Интер" трансфер амалга ошишига ишончи комил. Аввалроқ французнинг ўзи 2030 йилгача мўлжалланган ва йилига 2 млн евро маош тўланадиган шартнома имзолашга рози бўлганди.
Анж-Йоана Боннининг Transfermarkt порталидаги тахминий нархи - 20 млн евро. А Сериянинг ўтган мавсумида ҳужумчи "Парма" сафида 37 та ўйинда майдонга тушиб, 6 та гол ва 4 та голли узатмани ўз ҳисобига ёздириб қўйди.
