Мадриднинг "Реал" ва "Ал-Ҳилол" клублари клублар ўртасидаги жаҳон чемпионати гуруҳ босқичи 1-турида ғолибни аниқлай олмади.
34-дақиқада Гонсало Гарсия "қаймоқранглилар"ни ҳисобда олдинга олиб чиққан бўлса, 41-дақиқада саудияликлар Рубен Невешнинг пенальтидан урган голи билан жавоб қайтарди.
Учрашувнинг энг яхши футболчиси унвонига мадридликларнинг гол муаллифи бўлган 21 ёшли Гарсия сазовор бўлди. Ёш испаниялик дарвозага энг кўп зарба берди (олти марта, тўртта аниқ зарба), аммо бошқа гол ура олмади. Ҳужумчи учун бу "Реал"нинг асосий таркибидаги илк ўйин бўлди.
Иккинчи турда Хаби Алонсо жамоасига "Пачука" рақиблик қилади. "Ал-Ҳилол"ни "Ред Булл Зальцбург" кутиб турибди.
