"Ал-Ҳилол"нинг "Милан" чап қанот ҳимоячиси Тео Эрнандес бўйича таклифи ўз кучида қолади.
Клублар ўртасидаги жаҳон чемпионати бошлангани сабабли музокаралар тўхтатилди, аммо Саудия Арабистони клуби франциялик футболчини сотиб олиш фикридан қайтмади, дейди инсайдер Фабрицио Романо. Муҳокамалар кейинроқ давом этади. "Милан" 30 млн евро ва 5 млн бонусли таклифни қабул қилишга тайёр, бироқ барчаси ўз келажаги борасида ҳали бир қарорга келмаган латералнинг ўзига боғлиқ.
Тео Эрнандеснинг трансферига Мадриднинг "Атлетико" клуби ҳам қизиқиш билдираётган эди, аммо "матрасчилар" "россонерилар" билан келиша олишмади.
