"Al-Hilol"ning "Milan" chap qanot himoyachisi Teo Ernandes bo‘yicha taklifi o‘z kuchida qoladi.

Klublar o‘rtasidagi jahon chempionati boshlangani sababli muzokaralar to‘xtatildi, ammo Saudiya Arabistoni klubi fransiyalik futbolchini sotib olish fikridan qaytmadi, deydi insayder Fabrisio Romano. Muhokamalar keyinroq davom etadi. "Milan" 30 mln yevro va 5 mln bonusli taklifni qabul qilishga tayyor, biroq barchasi o‘z kelajagi borasida hali bir qarorga kelmagan lateralning o‘ziga bog‘liq.

Teo Ernandesning transferiga Madridning "Atletiko" klubi ham qiziqish bildirayotgan edi, ammo "matraschilar" "rossonerilar" bilan kelisha olishmadi.