Альваро Мората яна бир бор клубини ўзгартириши мумкин. Ҳужумчи "Милан"дан ижара асосида тўп тепаётган "Галатасарой"ни тарк этмоқчи. Журналист Николо Скиранинг маълум қилишича, 32 ёшли футболчи учун Италиянинг "Комо" клуби курашишга тайёр: жамоа бош мураббийи Сеск Фабрегаснинг шахсан ўзи ҳамюртини жамоада кўришни истамоқда. Шунингдек, ҳужумчига "Севилья" даъвогарлик қилмоқда.

Альваро Моратанинг "Галатасарой"даги ижараси 2026 йилнинг январига қадар мўлжалланган. Шартномада 8 млн еврога сотиб олиш имконияти кўрсатилган.

Испаниялик футболчи барча мусобақаларда турк жамоаси сафида 16 та ўйинда 7 та гол урган ва 3 та голли узатмани амалга оширган.