"Ньюкасл" ўз ҳужумчиси Александр Исакни қанчага сотиши мумкинлиги маълум бўлди.
Журналист Люк Эдвардснинг фикрича, "Ньюкасл" Исак бўйича музокараларни бошлаши учун клубга камида 175,5 миллион евро таклиф қилиниши керак. Шу билан бирга, манбанинг таъкидлашича, "магпилар" ва "Ливерпуль" ўртасида ҳозирча алоқалар бўлмаган, томонлар норасмий шароитда ҳам мулоқот қилмаган.
Жорий мавсумда 25 ёшли Исак барча турнирларда 42 та учрашувда иштирок этиб, 27 та гол урди ва 6 та голли узатмани амалга оширди.
Transfermarkt портали хабарига кўра, швециялик ҳужумчининг нархи 120 миллион еврони ташкил қилади.
