"Манчестер Юнайтед"нинг бразилиялик вингери Антони Англия клубини доимий равишда тарк этиш учун маошини сезиларли даражада пасайтиришга тайёр. Бу ҳақда Manchester Evening News журналисти Самуэл Лакхерст хабар бермоқда.
Манбага кўра, Антони йилига 9 млн евродан ошадиган ҳозирги маошининг 30 фоизини йўқотишга тайёр. Футболчи қишда "МЮ"ни тарк этиб, Испаниянинг "Бетис" клубига ижарага кетди. Аввалроқ, Антонининг Англияга қайтишдан манфаатдор эмаслиги ҳақида хабар берилганди.
ОАВ маълумотларига кўра, "Манчестер Юнайтед" футболчини яна бир марта ижарага бермоқчи эмас ва тўлақонли трансферга эришмоқчи. Бразилиялик футболчи Испания чемпионатида 17 та ўйин ўтказиб, бешта гол урган ва иккита голли узатмани амалга оширган.
