Келаси ҳафтада бўлиб ўтадиган ФИФА клублар ўртасидаги жаҳон чемпионатининг 10 та ўйинида иштирокчилар кучли ёки ҳаддан ташқари иссиқликка дуч келишлари мумкин, деб хабар бермоқда BBC.
Манбага кўра, Шарлоттадаги "Банк оф Америcа" стадионида "Реал Мадрид" "Пачука" (23 июн) ва "Бенфика" "Бавария" (25 июн) билан ўйнайдиган ўйинлар алоҳида ташвиш уйғотмоқда. Ўйинлар вақтида ҳаво ҳарорати мос равишда 38 ва 41 даражага етиши мумкин.
ФИФА футболчилар ва мухлислар хавфсизлигини таъминлаш мақсадида жамоалар билан келишилган ҳолда об-ҳаво шароитини кузатишда давом этишини таъкидлади.
Баъзи томошабинлар иссиқ туфайли "ПСЖ" - "Атлетико Мадрид" учрашувини (4:0) тарк этишга мажбур бўлганини айтишди ва стадионда узун навбатлар ва сув чекловларидан шикоят қилишди. Ўйин 32 даража ҳароратда ўтказилди.
