"Челси" ҳужумчиси Николас Жексон клублар ўртасидаги жаҳон чемпионатининг 2-туридан ўрин олган "Фламенго"га (1:3) қарши ўйиндаги мағлубиятдан сўнг четлатилгани учун узр сўради. Сенегаллик футболчи ўйиннинг 68-дақиқасида 1:2 ҳисоби пайтида қизил карточка олди.

"Мен клуб, ходимлар, жамоадошларим ва ўйинни томоша қилган барча мухлислардан узр сўрамоқчиман. Сизни қийин вазиятда қолдирдим. Яна қизил карточка, ростини айтсам, ўзимдан жаҳлим чиқяпти. Жамоага бундай вазиятларга тушмасликка ёрдам бериш учун ҳар куни астойдил ишлайман. Бу қандай содир бўлганини ҳали ҳам тушунмаяпман. Лекин шуниси аниқки, бу бехосдан бўлган. Шунчаки нотўғри кетган лаҳза. Ҳеч қандай баҳона йўқ. Мен бутун масъулиятни ўз зиммамга оламан. Бу ҳақда ўйлаб кўраман, ўсаман ва менга ишонганларнинг барчаси учун кучлироқ бўлиб қайтаман. Кечирасиз. Кечирасиз. Кечирасиз," - деб ёзди Жексон ижтимоий тармоқда.