"Chelsi" hujumchisi Nikolas Jekson klublar o‘rtasidagi jahon chempionatining 2-turidan o‘rin olgan "Flamengo"ga (1:3) qarshi o‘yindagi mag‘lubiyatdan so‘ng chetlatilgani uchun uzr so‘radi. Senegallik futbolchi o‘yinning 68-daqiqasida 1:2 hisobi paytida qizil kartochka oldi.

"Men klub, xodimlar, jamoadoshlarim va o‘yinni tomosha qilgan barcha muxlislardan uzr so‘ramoqchiman. Sizni qiyin vaziyatda qoldirdim. Yana qizil kartochka, rostini aytsam, o‘zimdan jahlim chiqyapti. Jamoaga bunday vaziyatlarga tushmaslikka yordam berish uchun har kuni astoydil ishlayman. Bu qanday sodir bo‘lganini hali ham tushunmayapman. Lekin shunisi aniqki, bu bexosdan bo‘lgan. Shunchaki noto‘g‘ri ketgan lahza. Hech qanday bahona yo‘q. Men butun mas’uliyatni o‘z zimmamga olaman. Bu haqda o‘ylab ko‘raman, o‘saman va menga ishonganlarning barchasi uchun kuchliroq bo‘lib qaytaman. Kechirasiz. Kechirasiz. Kechirasiz," - deb yozdi Jekson ijtimoiy tarmoqda.