Харри Кейн "Бавария"нинг "Бока" устидан қозонилган ғалабаси (2:1) ҳақида гапирди.
Мюнхенликлар гуруҳ босқичида Аргентина клуби устидан қозонилган ғалаба эвазига турнир плей-офф босқичига йўл олди.
"Барча йигитлар ажойиб ўйнашди. Биз бу осон бўлмаслигини билардик - иссиқ ҳаво ва стадиондаги ноқулай муҳит.
Биринчи бўлимда биз бир нечта гол уришимиз керак эди, иккинчи бўлимда эса улар бизга босим ўтказишга ҳаракат қилишди ва ташаббусга эга бўлишди. Улар гол уришга муваффақ бўлган заҳоти биз ҳам ўзимизга келдик.
Гол уришга муваффақ бўлдим ва биз плей-оффга йўл олдик. Бундан хурсандман.
Бу кенг кўламли турнир, биз дунёнинг энг яхши жамоаларига қарши ўйнаймиз. Биз ҳар доим ҳамма нарса ўзимизга боғлиқлигини айтдик.
Рақибларнинг кўпини мағлуб этиш учун сиз энг юқори савияни кўрсатишингиз керак", - деди "Бавария" ҳужумчиси.
