"Копенгаген" вингери Руни Барджи "Барселона"га ўтишга қизиқмоқда. Бу ҳақда Mundo Deportivo нашри хабар бермоқда.
Манбага кўра, 19 ёшли швециялик футболчига "Барселона"нинг қизиқиши бор ва футболчининг ўзи ҳам ушбу трансферга тайёр. Трансфер борасида келишиб олиш муаммо бўлмайди, чунки Барджининг шартномаси ярим йилдан кейин тугайди ва каталонияликлар ёзда футболчини икки-уч миллион еврога олиб кетиши мумкин.
Бардгджи ўтган мавсумнинг деярли барчасини хоч жароҳати туфайли ўтказиб юборди. Унинг ҳисобида бор-йўғи олтита ўйин бор ва бирорта ҳам самарали ҳаракат йўқ. Transfermarkt экспертлари вингернинг нархини 7,5 млн еврога баҳоламоқда.













