"Барселона" вингери Ламин Ямал WhoScored таҳлилий портали талқинига кўра, ўтган мавсумнинг энг яхши ёш футболчиси деб топилди.
Испаниялик ўзининг ўйинлари учун 8,01 балл олди. Бу Европанинг топ-5 лигаларидаги барча ёш футболчилар орасида энг юқори кўрсаткичдир.
Иккинчи ўриндан ярим ҳимоячи Флориан Вирц жой олди. "Ливерпуль"нинг янги футболчиси 7,50 балл олди.
Кучли учликни "Челси" хавбеки Андрей Сантос 7,33 балл билан якунлаб берди. Сўнгги бир ярим мавсумни бразилиялик футболчи "Страсбург" сафида ижара асосида ўтказди.
Кучли бешликка "Манчестер Сити"нинг янги аъзоси Райан Шерки (7,30 балл) ва "Реал" ярим ҳимоячиси Жуд Беллингем (7,27) ҳам кирди.
