Мадриднинг "Реал" клуби устози Хаби Алонсо Антонио Рюдигернинг майдонга қайтишга тайёрлигини маълум қилди.
Марказий ҳимоячи апрель ойининг охиридан бери жароҳати туфайли майдонга тушмаяпти.
"Шифокорлар Рюдигерга ўйнашга рухсат беришди, у таркибга қайтди. Антонио биз учун жуда муҳим бўлади. Биз уни босқичма-босқич ўйинга қўшишимиз керак, бу вақт талаб қилади, аммо биз унинг қайтганидан жуда хурсандмиз," - деди Алонсо якшанба куни бўлиб ўтадиган клублар ўртасидаги жаҳон чемпионати доирасида "Пачука"га қарши ўйин олдидан ўтказилган матбуот анжуманида.
