Миланнинг "Интер" клуби президенти Жузеппе Маротта жамоанинг янги бош мураббий Кристиан Киву қўл остидаги ўйини ҳақида фикр билдирди.
Руминиялик мураббий Чемпионлар Лигаси финалидаги мағлубиятдан сўнг "Ал-Ҳилол"га кетган Симоне Индзагининг ўрнини эгаллади.
"Кивунинг янги схемаси? Кристиан - замонавий мураббий, у ўйинчиларнинг хусусиятларига мослашади, шундан кейингина тактик тузилмани белгилайди. У Эспосито ва Луис Энрике каби баъзи футболчилар билан тажриба ўтказмоқда, аммо бу нормал ҳолат. Мен футболчиларнинг универсаллиги ва мураббийнинг мослашувчанлигига ишонаман," - деди Маротта DAZN билан суҳбатда.
