Англиялик марказий ҳужумчи Жейми Варди туманли Албионни тарк этиб, фаолиятини Испанияда давом эттириши мумкин.
Бу ҳақда инсайдер Экрем Конур ижтимоий тармоқлар орқали хабар бермоқда.
Манбага кўра, 38 ёшли ҳужумчига Испания Ла лигасининг тўрт нафар вакили қизиқиш билдирмоқда.
"Бетис", "Валенсия", "Севилья" ва "Вильярреал" Вардини сотиб олмоқчи. Эслатиб ўтамиз, Жейми 2012 йилдан буён "Лестер"да ҳаракат қилди. Унинг "тулкилар" билан шартномаси июнь ойи охирида якунига етади.













