"МЮ" ва Лондоннинг "Тоттенхэм" клуби собиқ скаути Мик Браун "Борнмут" етакчи футболчиларини сотиб юборгани ҳақида танқидий фикр билдирди. Тез орада жамоа сафини украиналик ҳимоячи Илья Забарний тарк этиши мумкин.
"Бу "Борнмут" учун шармандалик. Клуб мавсумни яхши ўтказди, аммо энди улар барча энг яхши футболчиларини сотмоқда. Жамоа аллақачон Хейсен ва Керкездан айрилган. Энди навбат Забарнийга," - дея Брауннинг сўзларини келтиради Football Insider.
Аввалроқ, украиналик ҳимоячи Франциянинг "ПСЖ" клубига ўтишга яқинлиги ҳақида хабарлар тарқалган эди.













