"Болонья" "Милан" ярим ҳимоячиси Томмазо Побега трансферини амалга оширмайди, деб ёзади Николо Скира.
Винченцо Италиано жамоаси 25 ёшли италиялик учун 12 миллион еврони кўп деб ҳисобламоқда, шу боис футболчи "Милан"га қайтади. Шунга қарамай, "Болонья" Томмазонинг яна бир ижараси бўйича музокараларни қайта бошлашга уриниб кўриш эҳтимоли бор.
Ўз навбатида, "россонерилар" раҳбарияти 2027 йилнинг июнига қадар шартномаси бор Побега келажагини яқин ҳафталарда ҳал қилади.
Побега бу мавсумда "Болонья" сафида 30 та ўйинда майдонга тушиб, 4 та гол урди ва 3 та голли узатмани амалга оширди.
