"Bolonya" "Milan" yarim himoyachisi Tommazo Pobega transferini amalga oshirmaydi, deb yozadi Nikolo Skira.
Vinchenso Italiano jamoasi 25 yoshli italiyalik uchun 12 million yevroni ko‘p deb hisoblamoqda, shu bois futbolchi "Milan"ga qaytadi. Shunga qaramay, "Bolonya" Tommazoning yana bir ijarasi bo‘yicha muzokaralarni qayta boshlashga urinib ko‘rish ehtimoli bor.
O‘z navbatida, "rossonerilar" rahbariyati 2027 yilning iyuniga qadar shartnomasi bor Pobega kelajagini yaqin haftalarda hal qiladi.
Pobega bu mavsumda "Bolonya" safida 30 ta o‘yinda maydonga tushib, 4 ta gol urdi va 3 ta golli uzatmani amalga oshirdi.
