"Барселона" ва "Монако" Ансу Фати бўйича келишувга яқин турибди.
Инсайдер Фабрицио Романонинг маълум қилишича, клублар сотиб олиш имконияти билан ижара шартномаси тафсилотларини аниқлаштиришни якунламоқда.
"Монако" вингерни шу ҳафта тиббий кўрикдан ўтказишни режалаштирмоқда.
Аввалроқ, вингер 12 миллион еврога сотиб олиш ҳуқуқи билан ижарага олиниши хабар қилинганди. Шунингдек, шартномада каталонияликлар учун футболчини кейинчалик қайта сотиш суммасидан катта фоиз кўрсатилади.
Ўтган мавсумда Фати Ла Лигада 6 та ўйинда майдонга тушиб, самарали ҳаракат қилмади.
