Миланнинг "Интер" клуби ярим ҳимоячи Хакан Чалханўғлининг кетишига тайёргарлик кўрмоқда.
Туркиялик футболчи "Галатасарой"дан таклиф олган ва у буни қабул қилиши мумкин. "Интер" Чалхонўғли билан тез орада хайрлашиш эҳтимоли анча юқори эканини тушуниб турибди, шунинг учун унинг ўрнига бошқа футболчи олиш ҳақида ўйламоқда. La Gazzetta dello Sport нашри тарқатган хабарга кўра, бош мураббий Кристиан Кивунинг бу позицияга устувор номзоди "Парма" хавбеки Адриан Бернабе ҳисобланади. Киву испан билан "Парма"да бирга ишлаган.
Transfermarkt портали Бернабенинг нархини 15 млн еврога баҳоламоқда.
