Лондоннинг "Арсенал" клуби яна "Спортинг"нинг швециялик ҳужумчиси Виктор Дьёкерешни ўз сафига қўшиб олишга ҳаракат қилмоқда.

Журналист Себастьен Видалнинг ёзишича, "Спортинг"нинг биринчи рад жавобидан сўнг инглиз гранди яна бир бор ҳужумчини сотиб олишга ҳаракат қилмоқда. Манбага кўра, "Арсенал" бош мураббийи Микель Артета қандай бўлмасин, Дьёкерешни клубга олиб келишга тайёр ва бу мавсумолди тайёргарлик бошлангунга қадар амалга оширилиши мақсадга мувофиқ.

Жорий мавсумда 27 ёшли ҳужумчи 52 та учрашувда 54 та гол урган. Таъкидлаш керакки, унинг ҳисобида 13 та ассист ҳам бор.