Londonning "Arsenal" klubi yana "Sporting"ning shvesiyalik hujumchisi Viktor Dyokereshni o‘z safiga qo‘shib olishga harakat qilmoqda.
Jurnalist Sebastyen Vidalning yozishicha, "Sporting"ning birinchi rad javobidan so‘ng ingliz grandi yana bir bor hujumchini sotib olishga harakat qilmoqda. Manbaga ko‘ra, "Arsenal" bosh murabbiyi Mikel Arteta qanday bo‘lmasin, Dyokereshni klubga olib kelishga tayyor va bu mavsumoldi tayyorgarlik boshlangunga qadar amalga oshirilishi maqsadga muvofiq.
Joriy mavsumda 27 yoshli hujumchi 52 ta uchrashuvda 54 ta gol urgan. Ta’kidlash kerakki, uning hisobida 13 ta assist ham bor.
