"Бавария" бош мураббийи Венсан Компани жамоасининг ўйини ҳақида гапирди.
2024/25 йилги мавсумда мюнхенликлар Бундеслига ғолиби бўлишди, аммо Чемпионлар Лигаси ва Германия Кубогида муваффақиятга эриша олишмади.
"Бу мавсум кўрсатганидек, деярли барча ўйинларда рақиблардан устун эдик, доим устунлик қилдик. Бироқ, албатта, совринлар ютишимиз керак. Бунинг учун муҳим ўйинчилар формада бўлиши керак. Келажакка бир тилак тилай олсам, барча футболчиларимиз мавсумнинг муҳим паллаларида формада бўлишини истардим. Кичик ньюанслар кўпинча муҳим турнирларда муҳим роль ўйнайди," - деди Компания матбуот анжуманида.
