Марказий ҳимоячи Дайот Упамекано ҳалигача “Бавария” билан меҳнат шартномасини узайтириш борасида келиша олмади.
Манбага кўра, томонлар келишувга эриша олмагани боис, музокараларни ёзги трансфер ойнаси охиригача қолдиришган.
Бу "Бавария" раҳбариятига харидларга эътибор қаратиш имконини беради. Упамекано 2021 йилдан бери немис гранди таркибида ўйнаб келмоқда.
Жори мавсумда ҳимоячи барча турнирларни ҳисобга олган ҳолда 35 та ўйинда қатнашиб, иккита гол урди ва битта голли узатмани амалга оширди.













