"Бавария" бош мураббийи Венсан Компани клублар жаҳон чемпионати гуруҳ босқичининг 3-турида "Бенфика"га қарши ўйинда (0:1) жамоасининг муваффақиятсизлиги ҳақида ўз фикрларини билдирди.
Учрашувнинг тақдирини 13-дақиқада Андреас Шельдеруп томонидан урилган гол ҳал қилди.
"Биринчи тайм бутунлай муваффақиятсиз ўтди. Ўйин шароитлари равон ўйин олиб боришга имкон бермади. Танаффусдан сўнг кўплаб ҳужум вазиятларини яратдик, аммо бир нечта яккама-якка ҳолатлардан фойдалана олмадик. Бу футбол, имкониятларимиздан фойдаланишимиз керак эди," - деди Компани DAZN'га берган интервьюсида.
