"Барселона" сафини бирданига икки юлдуз вингер тўлдириши мумкин.
Хабарингиз бор, каталонияликлар Бильбаонинг "Атлетик" клубидан Нико Уильямсни сотиб олишга яқин турибди. Шу билан бирга, журналист Жейми Жексоннинг ёзишича, испанияликнинг келиши Маркус Рэшфордни сотиб олишдан бош тортишини англатмайди. Манбага кўра, "Барса" Уильямснинг трансферини амалга оширган тақдирда ҳам инглизни "Манчестер Юнайтед"дан ижарага олиши мумкин.
"Кўк-анорранглилар" раҳбарияти Рэшфорднинг ҳужум чизиғида бир неча позицияда ўйнай олиши жамоага катта ёрдам беради, деб ҳисобламоқда.
Бош мураббий Ханс-Дитер Флик "қизил иблислар"нинг 27 ёшли футболчиси келишини маъқулламоқда, гарчи у Нико Уильямсни асосий мақсад сифатида кўраётган бўлса-да.
