Бразилиянинг "Коринтианс" клуби ҳужумчиси Мемфис Депай хориждан келган сўровларга қарамай, клубда қолмоқчи. Бу ҳақда CNN Brasil хабар бермоқда.
Манбага кўра, ҳужумчи 2026 йилнинг июлига қадар амал қиладиган шартномасини ишлаб чиқмоқчи. Қайд этилишича, футболчи принципиал жиҳатдан ҳеч ким билан музокараларни бошламаган. Аммо нидерландиялик футболчи клубдан шартномада кўрсатилган шартларни бажаришни талаб қилмоқда.
"Коринтианс" футболчи олдидаги 6 млн реалдан (926 минг евро) ортиқ қарздорликни ёпиши, шунингдек, Сан-Паулуда уй бериши керак. Айни пайтда Депай меҳмонхонада яшайди.
31 ёшли ҳужумчи бразилияликлар сафида 2024 йилдан буён тўп тепиб келмоқда. Ўтган мавсумда у барча мусобақаларда 28 та ўйинда майдонга тушиб, 6 та гол ва 10 та голли узатмани амалга оширди.
