Мадриднинг “Реал” клуби ярим ҳимоячиси Браим Диас жамоа бош мураббийи Хаби Алонсонинг фаолияти ҳақида гапирди.
“Қаймоқранглилар” испан мураббийи бошқаруви остида бор-йўғи иккита ўйин ўтказишга муваффақ бўлишди, бироқ матбуотдаги шарҳларга қараганда, жамоанинг кўплаб футболчилари мутахассиснинг усулларидан мамнун бўлишган.
Диас ҳам Алонсони мақтади.
"Бизда янги мураббий бор ва у ўзининг қанчалик яхши эканлигини аллақачон кўрсатиб бўлган. У бу клубни жуда яхши билади ва нима кутилаётганини тушунади.
Мен Алонсодан жуда хурсандман", - дея марокашлик футболчининг сўзларини келтиради Madrid Zone.
