Fichajes нашрининг ёзишича, "Реал" скаутлари ҳисоботларидан Евро-2025 U-21 қахрамонларидан бирига айланган ҳужумчи Ник Вольтемаде ўрин олган.

Турнирдаги 6 та гол ва рақиб жарима майдончасидаги ажойиб ўйин билан "Штутгарт" ҳужумчиси Мадрид селекционерлари эътиборини тортди, улар унинг эпизодларни ҳам жисмоний, ҳам дарвоза яқинидаги ўйинни тушуниш орқали ҳал қилиш қобилиятини юқори баҳолашади.

Хоселу услубида классик "тўққизинчи рақам" хусусиятларини намойиш этаётган Вольтамадени "Реал" кейинги мавсум учун таркибни чуқурлаштириш учун қизиқарли вариант сифатида кўрмоқда. 23 ёшида футболчи Бундеслигада ажойиб мавсум ўтказди ва бу унга Германия терма жамоасидаги дебютини нишонлашга сабаб бўлди. Унинг шартномаси 2028 йилгача амал қилади ва тахминий бозор нархи 30 миллион евро бўлиб, бу Европанинг етакчи клублари, жумладан, "Реал"нинг қизиқишига тўсқинлик қилмади.

Қўшимча қиламизки, 2024/25 йилги мавсумда Вольтемаде "Штутгарт" сафида барча мусобақаларда 33 та ўйинда майдонга тушиб, 17 та гол урган ва 3 та голли узатмани амалга оширган.