Эмерсон Рояль "Милан"дан "Бетис"га ўтади.
Жанлука Ди Марционинг ёзишича, клублар 26 ёшли бразилиялик ўнг қанот ҳимоячисини ижарага олиш бўйича оғзаки келишувга эришган. Томонлар битим формуласини - Эмерсонни сотиб олиш имконияти ёзилиш-ёзилмаслигини аниқлашлари қолди.
Николо Скиранинг маълум қилишича, "Бетис"да бразилияликни сотиб олиш имконияти бўлади. У 2019 йилдан 2021 йилгача тўп тепган Севилья клуби билан 4+1 схемаси бўйича шартнома имзолашга келишиб олган.
Эмерсон бир йил муқаддам "Тоттенхэм"дан "Милан"га ўтганди. У А Серияда 17та ўйинда майдонга тушиб, 5та сариқ карточка олган.
