"Манчестер Сити" жамоаси бош мураббийи Хосеп Гвардиола "Наполи"га ўтган ярим ҳимоячи Кевин де Брюйне ҳақидаги саволга жавоб берди.
"Шаҳарликлар" бельгиялик футболчининг муддати тугаётган шартномасини узайтирмасликка қарор қилди. Июнь ойи бошида футболчи фаолиятини Италияда давом эттириши маълум бўлганди.
"Кевин ўзига хос клубга ўтди, у ерда барча даврларнинг энг яхши мураббийларидан бири билан ишлайди. Антонио Конте ҳар доим натижага эришади. Де Брюйнега муваффақият ва бахт тилайман," - деди Гвардиола клублар ўртасидаги жаҳон чемпионатидан ўрин олган "Ювентус"га (5:2) қарши ўйиндан кейин берган интервьюсида.
