"Manchester Siti" jamoasi bosh murabbiyi Xosep Gvardiola "Napoli"ga o‘tgan yarim himoyachi Kevin de Bryuyne haqidagi savolga javob berdi.
"Shaharliklar" belgiyalik futbolchining muddati tugayotgan shartnomasini uzaytirmaslikka qaror qildi. Iyun oyi boshida futbolchi faoliyatini Italiyada davom ettirishi ma’lum bo‘lgandi.
"Kevin o‘ziga xos klubga o‘tdi, u yerda barcha davrlarning eng yaxshi murabbiylaridan biri bilan ishlaydi. Antonio Konte har doim natijaga erishadi. De Bryuynega muvaffaqiyat va baxt tilayman," - dedi Gvardiola klublar o‘rtasidagi jahon chempionatidan o‘rin olgan "Yuventus"ga (5:2) qarshi o‘yindan keyin bergan intervyusida.













