"Барселона" ярим ҳимоячиси Пабло Торре фаолиятини "Мальорка"да давом эттиради. Томонлар битим шартлари бўйича тўлиқ келишувга эришишга яқин, деб хабар беради Diario Sport. Манбага кўра, "қизил-қоралар" 22 ёшли футболчига бўлган ҳуқуқнинг 50 фоизини сотиб олади - Каталония гранди хавбекни келажакда қайта сотиш суммасининг ярмини олади. Клублар фақат "Барса" талаб қилаётган биринчи навбатдаги қайта сотиб олиш шартини келишиб олишлари қолди. Футболчининг ўзи ҳам ўтишга тайёр.
Ўтган мавсумда Торре "кўк-анорранглилар" сафида 14 та ўйинда майдонга тушиб, 4 та гол ва 3 та голли узатмага муаллифлик қилган. "Расинг" тарбияланувчисининг Transfermarkt порталидаги нархи 6 млн еврога баҳоланмоқда.
