Хаби Алонсо "Реал Мадрид"нинг "Зальцбург" устидан қозонган ғалабасидан сўнг Винисиусни мақтади.
“Реал”нинг 24 ёшли вингери АҚШ клублар ўртасидаги жаҳон чемпионати гуруҳ босқичида “Зальцбург” устидан қозонилган ғалаба (3:0)нинг 40-дақиқасида ғалаба тўпини киритди.
Биринчи бўлим охирида қўшиб берилган вақтда Винисиус Федерико Вальвердега голли узатмани амалга оширди. Бразилиялик футболчи якунда учрашувнинг энг яхши футболчиси деб топилди.
"Вини ажойиб эди. Мен нафақат гол ва узатма ҳақида, балки унинг ҳимоядаги ўйини ҳақида ҳам гапиряпман.
Бу бизга бирга ўйнаш имконини берди, у ҳужумда кўпроқ эркинликка эга бўлди ва у рақиб марказий ҳимоячиларини чарчатиб қўйган Гонсало билан яхши ишлади.
Ҳозир иккаламиз ҳам жуда яхши кайфиятдамиз, лекин давом этишимиз керак, чунки ҳали олдинда узоқ йўл бор", - деди Алонсо.
