Жоан Лапорта "Барселона" Нико Уильямс учун товон пули тўлашга тайёрлигини айтди.
Аввалроқ, "Атлетик" раҳбарияти Ла Лига ва Испания Қироллик футбол федерациясини "Барселона"нинг барча молиявий операцияларини текшириш зарурлиги ҳақида хабардор қилганди.
"Ҳар ким ўзи тўғри деб билганини қилсин. Биз спорт директоримиз ва бош мураббийимиз тавсияларига амал қилган ҳолда трансфер бозоридаги имкониятлардан унумли фойдаланиб, ўз ишимизни қиляпмиз.
Менда бошқа қўшадиган ҳеч нарса йўқ. "Атлетик" ўз хоҳишига кўра ҳаракат қилиши керак. Биз уларнинг позициясини ҳурмат қиламиз, умид қиламанки, улар ҳам бизнинг позициямизни ҳурмат қилишади.
Агар сотиб олиш тўловини тўлаш билан боғлиқ бозор имконияти пайдо бўлса, "Барселона" қўлидан келган ҳамма нарсани қилишга тайёр", - деди "Барселона" президенти.
