"Манчестер Юнайтед" таркибни кучайтириш устида иш олиб бормоқда. "Қизил иблислар" "ПСЖ" ярим ҳимоячиси Уоррен Заир-Эмери номзодини ўрганиб чиқмоқда, дея хабар бермоқда TEAMtalk. Тўғри, ҳозирча манкунианликлар футболчининг вакиллари билан дастлабки музокараларни олиб боришди холос.
Манбанинг қайд этишича, "Манчестер Юнайтед"нинг трансферини амалга ошириш қийин бўлади. "ПСЖ" клуби Заир-Эмерига 100 миллион евролик улкан нарх белгилади. Парижликлар бу борада қатъий фикрда ва тегишли таклиф тушсагина 19 ёшли футболчини сотиш масаласини кўриб чиқиши мумкин.
Уоррен Заир-Эмерининг амалдаги шартномаси 2029 йилнинг ярмигача мўлжалланган.
