Дортмунднинг "Боруссия" клуби вингери Жейми Байно-Гиттенс Лондоннинг "Челси" клубига ўтишга яқин турибди. Бу ҳақда таниқли инсайдер Николо Скира ижтимоий тармоқлардан биридаги саҳифасида маълум қилди.
Манбага кўра, 20 ёшли ҳужумчини сотиб олиш "Челси"га 50 миллион еврога тушади. Таъкидланишича, футболчининг ўзи инглиз гранди билан яна бир мавсумга узайтириш имконияти билан 2032 йилга қадар меҳнат шартномасини имзолайди.
2024/25 йилги мавсумда Байно-Гиттенс барча турнирларни ҳисобга олган ҳолда 49 та учрашувда қатнашиб, 12 марта рақиблар дарвозасини ишғол қилди ва бешта голли узатмани ўз ҳисобига ёздириб қўйди.
