"Астон Вилла" дарвозабони Эмилиано Мартинес Лондоннинг "Челси" клубига ўтмайди. Бундай маълумотлар билан инсайдер Фабрицио Романо бўлишди.
Манбага кўра, "Челси" Мартинес трансфери бўйича фаол музокаралар олиб бораётган клублар қаторига кирмайди. Таъкидланишича, "Челси" жорий ёзда аргентиналик футболчига умуман мурожаат қилмаган, чунки асосий эътибор бошқа позицияларни кучайтиришга қаратилган.
Мартинес 2024/25 йилги мавсумда барча мусобақаларда 53 та ўйинда майдонга тушиб, 61 та гол ўтказиб юборди ва 16 марта ўз дарвозасини дахлсиз қолдиришга муваффақ бўлди.
