Берлиннинг "Унион" клуби марказий ҳимоячиси Диогу Лейте "Пари Сен-Жермен" қизиқишлар доирасига кириб қолди.

Бу ҳақда Sport.es хабар бермоқда. Манбага кўра, парижликлар 26 ёшли португалиялик футболчини ўз сафига қўшиб олиш ҳақида ўйламоқда. Тахминларга кўра, эҳтимолий трансфер суммаси 13 млн евро атрофида бўлиши мумкин ва бу сумма "ПСЖ" раҳбариятини қониқтиради.

Лейте 2022 йилдан бери Берлин клубида ўйнамоқда. У ўтган мавсумда барча мусобақаларда 31та ўйинда майдонга тушиб, 1та гол урган ва 2та голга ҳаммуаллифлик қилган. Ҳимоячининг "Унион" билан шартномаси 2026 йилнинг ёзигача амал қилади. Transfermarkt маълумотларига кўра, унинг бозор қиймати 17 млн.